【被網民勁追問】靚媽陳敏之上載最新相片

    藝人陳敏之2014年與圈外老公雷偉信拉埋天窗,前年年尾誕下愛子雷子樂。平時敏之都忙住開工,一有時間就會陪個仔過吓家庭樂。

    佢喺社交網上載咗同個仔喺公園玩嘅相片,兩母子着住母子裝出動,鮮紅色衞衣配上黑色貼身褲,真係好襯到絕!

    就嚟兩歲嘅雷子樂愈大愈得意,仲好有活力,見佢又踩單車、玩瀡滑梯又追住啲波波四圍跑,真係好活躍。

    陳敏之就留言話要花多啲時間喺小朋友同家庭度。網民都追問佢仲會唔會追多個呀?

     

     

     

     

     

    (ig  / on.cc)

    SHARE