相中除咗有陳煒同佢之外，仲見到有。。。
楊千嬅重返大台拍劇《多功能老婆》，唔少粉絲都好期待！
雖然一度有報道指同劇嘅陳煒因為千嬅遲大到，等到佢好嬲好嬲而鬧不和，但兩人都否認傳聞，其實佢哋兩個都不知幾好感情！
前日係無綫花旦朱晨麗（朱朱）31歲生日，早前朱朱同陳煒因合作拍劇集《多功能老婆》而結成好友，今日凌晨時分，陳煒就喺微博PO咗張合照。
仲有楊千嬅、周柏豪等同劇演員一齊為朱朱慶生超Sweet啊！
陳煒留言話：「親愛的朱朱生日快樂🎂心願達成！永遠青春美麗、活潑動人！人見人愛、車見車載！大紅大紫、賺錢賺到買屋又買田！我哋個個錫晒妳😘😘😘 」千嬅同陳煒肉緊翹到朱朱實一實，睇得出佢哋感情真係好好！
另外，朱朱、千嬅及周柏豪更為陳煒爭視后落力拉票，仲拍埋片添！片中陳煒即時「太平公主」上身，而周柏豪就化身太監，呼籲大家喺萬千星輝頒獎禮投最佳女主角陳煒一票。
喺片中大放笑彈。
千嬅飾演「春嬌」、朱朱飾演「春朱」、栢豪就飾演「spring pocket」，認真搞笑！
難怪網民都話一路睇一路笑到Gap Gap聲呀！
(on.cc)
