得戚留言：「真係三年抱兩，可能身體太健康，唔係幾擊先中，無三不成幾，係一兩擊就中！o依家大概5個半月啦，3月尾預產期，今次呢胎都係仔，多謝大家祝福！」
仲話：「歡迎各大pr瘋狂揾我哋做嘢，揾奶粉錢呀大佬，兩隻化骨龍唔係講玩笑，多謝！」
38歲阮民安（Tommy）又做老竇，噚晚在facebook宣佈三年抱兩，1歲兒子治童就快做哥哥啦，恭喜恭喜！
去年Tommy仔同細10年嘅「原宿女神」張倚雯（Eva）奉子成婚，同年誕下兒子阮治童，估唔到話咁快老婆又大肚，果然有心有力！身在墾丁嘅Eva亦在Ig公佈喜訊：「最近的行程太忙，都忘了要正式告訴大家，對啊，治童要當哥哥囉！」相中嘅Eva着性感bra top襯熱褲騷孕肚，皮膚白到反光，兩母子在水池仔浸腳曬太陽，網民都留言祝福。
原來一家三口去咗墾丁，Tommy仔在fb轉貼老婆嘅Ig，得戚留言：「真係三年抱兩，可能身體太健康，唔係幾擊先中，無三不成幾，係一兩擊就中！」由於大肚老婆着好少布，Tommy仔寫道：「翻風啦，仲打大赤肋喺泳池影相，一陣傷風點算，快啲着番件衫先，乖！」
10年前，李麗珊話養大一個小朋友要400萬元，o依家社會乜都貴過以前，雖然Tommy仔三年抱兩好興奮，但佢都留言呻要努力搵奶粉錢：「話時話，呢個攝影師係乜水？啲相影得咁靚嘅，有興趣inbox我，我介紹你識，不過佢收好貴，好似叫Tommy，歡迎各大pr瘋狂揾我哋做嘢，揾奶粉錢呀大佬，兩隻化骨龍唔係講玩笑，多謝！」
問到Eva有咗幾多個月？Tommy仔接受電話訪問表示：「o依家大概5個半月啦，3月尾預產期，今次呢胎都係仔，多謝大家祝福！老實講，呢個過程只係一兩次，已經中咗，哈哈！出年係豬年，婆婆估到係豬仔，因為我好鍾意食西柚，婆婆話食酸嘢好大機會係仔，生埋呢個應該會收工，兩個夠晒數，兩個仔都好，等佢哋慢慢打交打到大。」
(Apple daily)
