藝人陳豪同太太陳茵媺（Aimee）婚後育有兩子一女，一家五口超熱鬧！
佢哋時不時都會喺IG PO下相分享家庭生活，吸到唔少Like～
話咁快原來大仔Aiden已經5歲啦！Aimee往年都會絞盡腦汁為仔女搞主題生日派對，今年都唔例外。
今次係星戰主題，真係好有心思！
Aimee喺社交網大晒Party相，其中一張係佢哋全家福，三個小朋友笑得好開心，二仔Nathan同妹妹Camilla對眼好似媽咪，而Aiden愈大愈似爸爸咁有型！
佢仲化身黑武士拎住激光劍擺晒甫士影相，Camilla就扮莉亞公主，非常可愛！
每年搞唔同主題嘅生日P其實一啲都唔簡單！不過仔仔一句話就冧到Aimee覺得點辛苦都係值得：「當Aiden今天早上醒來時，他說的第一件事就是……『早上好 媽媽！謝謝你生下我。』親愛的，你是上帝給我的最好禮物中的第一個，我簡直不敢相信我有這麼一個了不起兼成熟甜美的男孩。你是媽媽的一切，讓所有不眠之夜和所有的犧牲都值得！5歲生日快樂我的小Jedi！我愛你無論月球轉到那一面……再循環100次！ 」
Aiden真係超乖啊！
(綜合報道/on.cc)
