【畀網民追問個肚點解…】佗B張名雅上載最新相片

    前港姐冠軍張名雅今個月7號就踏入31歲生日。

    現時懷有第二胎嘅佢隨時生得,不過佢肥肚唔肥人,仲係好輕鬆咁周圍去。

    呢日佢就同一位女性朋友提早同自己慶祝生日,佢喺社交網上載相片。

    相中嘅佢紅粉緋緋,完全冇孕味,唔講都唔知佢已經懷孕超過9個月!

    佢留言話:「找到藉口在第37週出去,她準備的蛋糕令我好驚喜!」朋友為佢預備嘅紫色蛋糕有隻半透明嘅蝴蝶,真係好精緻,唔知個蛋糕係咩味架呢?估唔到今次名雅收埋個孕肚,改為曬蛋糕,畀網民追問個肚點解唔見咗添!

     

     

     

     

     

    (ig / on.cc)

    SHARE