近年備受力捧藝人黃子恆今日爆出疑與女粉絲有性關係，該名粉絲仲話自己已經懷孕4個月，並揚言會墮胎。(詳細報道：https://goo.gl/feimTf)
事後黃子恆接受傳媒訪問，承認同呢個女fans的確發生過關係，但就堅稱只係一次，而且有做足安全措施，講到女粉絲表示目前懷孕，佢就堅決否認同自己有關，仲話唔介意驗DNA，同埋可以查佢出境紀錄。
據知，黃子恆有意於日內舉行記者會，證明自己於年中拍完《包青天再起風雲》就未返過大陸，而佢今日仍然要為劇集《機場特警》開工，所以高層仲未有機會召見佢，今日傳媒都有再聯絡黃子恆，但佢就無聽電話。
另外，對於此事，無綫高層樂易玲表示已叫子恆冷靜，專注工作先。
相關新聞：
【決定墮胎】TVB男藝人被爆疑搞大咗粉絲個肚 https://goo.gl/feimTf
(綜合報道)
