【超靚女!】米雪勁讚姨甥女:口齒伶俐,佢記性好好

    藝人米雪及姨甥女徐頴堃(Erica)到觀塘出席活動,她們透露月前在橫店一同拍古裝劇,米雪對姨甥女讚不絕口!

    「佢口齒伶俐,中英文都得,記司儀稿好快,古裝劇最緊要記好成語,佢記性好好!」Erica表示第一次拍古裝劇,普通話不太好,因此也背誦了很久,她又指胞兄徐偉棟都有份參與,但三人沒有同場。

    問會否感可惜沒交流機會?米雪笑言:「屋企交流囉!一係下次合作摑佢(徐偉棟)一巴,因為平時冇機會打佢,佢平時非常乖,經常會畫貼紙畀我,提我要多穿衣服。」米雪又指12月非常忙碌要經常出埠,會去新加坡、北京、上海等地,除夕當晚亦應北京電視台邀請上節目唱歌。

    Erica又靚又叻女!

     

     

     

     

     

     

    (on.cc)

    SHARE