藝人鍾欣潼（阿嬌）將於12月20日與台灣醫生男友賴弘國（Michael）喺香港舉行婚禮，倒數仲得番十幾日，阿嬌仍然持續緊佢嘅地獄式減肥計劃！
呢日佢就喺自己社交網上載咗自己嘅減肥餐。雖然清淡啲，不過都有魚有肉，睇落都唔會好Dry！
其實阿嬌又使乜減到咁辛苦丫！阿嬌曾經多次公開話佢老公賴弘國讚佢係完美！
唔睇八卦新聞嘅賴弘國雖然唔知Twins係咩，證明佢愛阿嬌係同佢嘅偶像光環完全冇關係，仲公開同阿嬌講會一直做支持佢嘅小粉絲！
賴弘國尋日就坐言起行，佢呢日就為咗「偶像」更新成兩個月冇郁過嘅社交網，見到阿嬌嘅廣告，即刻停低合照，仲留言話：「巧遇港鐵女神」仲tag埋老婆添！
阿嬌都秒回老公：「hahahhahaaa」
網民見到佢兩個咁樣隔空放閃都好葡萄，仲留言話佢囂張呀，而阿嬌好姊妹阿Sa就搞笑回覆糾正賴弘國文法上嘅錯誤，話應該係「港鐵巧遇女神」先啱！
睇嚟佢哋感情都非常好呀～
(on.cc)
