【好羨慕郭羨妮】胡杏兒:好似袁詠儀咁大肚都可以…

    同是已為人母的杏兒與Sonija,見面時也會講湊仔經,杏兒話非常羨慕Sonija,表示考慮減產照顧小朋友:「人生除咗工作,還要有家庭去平衡。」

    胡杏兒不時都會同老公李乘德 (Philip)喺IG到放下閃,婚後誕下仔仔Brendan,一家三口溫馨有愛!

    由胡杏兒及郭羨妮(Sonija)主演,以已故樂壇天后梅艷芳為題材的電影《朝花夕拾·芳華絕代》於本月上映,二人日前於尖沙嘴接受訪問。同是已為人母的杏兒與Sonija,見面時也會講湊仔經,杏兒表示考慮減產照顧小朋友:「人生除咗工作,還要有家庭去平衡。」郭羨妮的女兒7歲大,她表示曾嘗試全職湊女,但感覺迷失,Sonija說:「o依家收工返屋企,反而特別掛住佢,會付出多啲愛,以前24小時湊就冇呢種感覺。」而杏兒表示唔會選擇做全職媽咪:「會繼續再生,亦會繼續工作,好似袁詠儀咁大肚都可以拍戲。」

    Sonija在戲中飾演梅艷芳的忠實fans,她表示最難忘係喺垃圾堆中尋回梅姐嘅遺物,當中大部份是fans送給梅姐的信件,而拍攝地點正是當年的原址,Sonija說:「拍攝時要爬上密斗,但自己不小心膝蓋撞向密斗,膝蓋又痛又腫到好似雞蛋咁,返到屋企乖女見到,佢幫我搽藥膏,即刻甜晒。」

    杏兒話非常羨慕,希望囝囝大個都會照顧媽咪。胡杏兒飾演梅姐識於微時嘅好朋友,杏兒表示需要由18歲演到40多歲及生了小孩,杏兒說:「每場戲都交代與梅姐之間發生嘅事,所以好難忘。從fans口中知道,梅姐對fans嘅關心、對人嘅愛,更加令人感動。」

    戲中故事皆屬梅姐同fans之間嘅真人真事,Sonija話:「會了解到梅姐對fans嘅關心、珍惜同感情,好似fans送俾梅姐嘅信同物件,梅姐全部都收藏喺間房,搬屋都唔會棄掉。」郭羡妮從fans口中得知,當年梅姐病得好嚴重時仍去日本拍廣告,返嚟嘅時候fans都去接機,體弱嘅梅姐仍然好關心fans,Sonija話:「梅姐一眼就睇到該fans唔開心,多番慰問,係個fans同我講番。」郭羡妮笑言:「以前覺得fans攞住燈牌嚟支持好開心,但已經過咗該段時間,o依家有活動都叫fans唔好請假嚟,一切在心中。」杏兒話:「好多fans喺讀書時候已認識,o依家出嚟工作到結婚成為媽咪,明白佢哋都好忙,唔會要佢哋嚟支持,有啲成為朋友更會約出嚟食飯。」

    (Apple daily)

    SHARE