【結婚23年仲係咁恩愛】歐瑞偉拖到老婆實一實

廣告

56歲嘅歐瑞偉同靚老婆Wendy(李愛玲)結咗婚23年,一直都好恩愛,唔使開工嘅時候,就同老婆行街拍拖,之前歐瑞偉接受訪問嘅時候,曾經講過當年老婆放棄喺大馬嘅演藝事業,陪佢返香港生活,所以佢要努力做嘢,保護呢個屋企!

廣告

廣告

入行咁多年,拍過100套劇,係100套,唔係100集。依家大家最熟悉嘅,都係KC、易先生、楊竹鑾呢幾個角色。真係入哂屋!
日前傍晚5點左右,喺金鐘見到歐瑞偉同老婆,見佢哋拎住一袋二袋,睇嚟收獲好豐富,嗰陣佢哋準備去搭港鐵,去到黃埔站落車,歐瑞偉先去咗一間五金舖買嘢,其間唔知係唔係老婆對鞋著得唔舒服,所以佢即場換咗對鞋,跟住去完馬會就去藥房買卷裝廁紙,之後就返屋企!

廣告
廣告

咪睇佢哋結咗婚已經20幾年,大家已經係老夫老妻,嗰日見到佢哋全程密密傾,又會拖住手行街,買乜嘢都有商有量!
搭車嗰陣歐瑞偉喺度撳電話,睇到有得意嘅嘢,佢都會叫老婆一齊睇,就算有途人認得佢,歐瑞偉都冇乜點理,專心一意望住老婆!

 

相關新聞:

【三十年前月入三萬 歐瑞偉主角變配角:唔好下下怨天尤人】https://goo.gl/enY7zJ

 

(綜合報道/Apple daily)