藝人陳家樂到樂富出席活動。
此外，他表示入行後仍會經常到屋邨商場，感覺很親切，拍攝劇集《逆緣》後更經常被街坊嗌劇中角色「爺爺」，笑言多了很多孫：「咩年齡嘅人都咁嗌我，好溫暖。」
問到有否為萬千星輝頒獎禮視帝拉票？他說：「今日嘅宣傳活動係叫人Download個Apps投票最佳員工，我對呢個獎有信心過攞視帝，視帝都係志在參與。（咁我最喜愛電視男角色獎呢？）唔係好明呢兩個獎項嘅分別，原本我仲以為會同薇薇（林夏薇）一齊入圍螢幕拍檔獎，但估唔到冇份入圍。」
講到聖誕節，會跟緋聞女友陳瀅抑或湯怡度過？
他說：「工作上應該係陳瀅。（私下呢？）兩個都係工作拍檔，一個拍緊戲，一個拍緊劇，嗰日都要開工㗎喇！（湯怡話同你過喎！）可能啦！未知開工時間點，但做嘢度過唔使諗節目都好。（冇咁Lonely？）其實每年聖誕節都好Lonely，有空虛嘅感覺，覺得咁快一年，自己工作唔夠努力，單唔單身都有呢種感覺。」
（on.cc）
