歌手張敬軒（軒仔）現身沙田馬場出席「浪琴表香港國際賽事」開幕禮並擔任表演嘉賓，他表示有朋友的愛駒出賽，而自己的「分身」南非騎師麥偉利亦落場，會下注支持一下。
軒仔續說：「希望自己都可以跑出！（叱咤樂壇『我最喜愛的男歌手』）就嚟截止，有啲緊張。本來有信心，但知道古天樂入圍，我嗰票都投埋畀佢！」
作為歌手辛苦整整一年，而古天樂因為一首歌突圍而出，問到會否覺得不公平，他說：「男歌手同『我最喜愛男歌手』獎係兩回事，『我最喜愛』同派咗幾多隻歌冇關，係最有話題或網民呼聲最高，我好期待佢上台攞獎。（期待佢現場唱《今期流行》？）我會全程同佢一齊唱。」
他謂初時打算找古天樂拍片拉票，笑言幸好未有拍，否則搶晒風頭！軒仔又指近年樂壇多了不少本地新血，大讚姜濤、男團MIRROR有潛質，問到會否怕被一眾小鮮肉搶市場時，他笑言：「到時可能會同台，為咗唔會咁大對比，最近喪做facial！（人哋係小鮮肉，你點形容自己？）我係小臘肉，臘肉係保鮮，蒸一蒸更有味道，仲有少少梅香！」
(on.cc)
