無綫綜藝節目《學是學非》長做長有，收視當然節節上升啦！節目擅長以輕鬆手法嚟同觀衆明辨是非，當中亦滲入唔少扮嘢元素，吸收新知識之餘，仲經常令觀衆睇到會心微笑添！
新版舊版一樣好睇！
新版有仙氣十足嘅藝人鄺潔楹（Judy），佢就係因爲拍攝《學是學非》而成功入屋，而家仲有好多男粉絲添！
琴日佢就喺社交網分享為節目Cosplay扮嘢嘅相，Judy同一班「是非精」包括張寶兒、馮盈盈、梁嘉琪、劉穎鏇等一齊扮小矮人。
但最搶鏡竟然唔係佢哋五個是非精，而係節目中嘅火博士！真係令人跌晒眼鏡！雖然平時博士都成日扮嘢，但網民就話估唔到今次連白雪公主都肯扮，天分高到實在可以撈埋演藝界！
相中佢戴上假髮，反串扮成白雪公主，仲要假扮瞓覺，非常搞笑。
連拍檔梁嘉琪都搞笑留言話：「今集之後，我肯定是非精好快會多一位」不過都仲有好多網民留言大讚呢五個小矮人好可愛，唔知你哋又覺得點呢？
(ig / 綜合報道 / on.cc)
