藝人徐榮與太太婚後育有大仔徐朗（Karson）同細女徐心怡（包包），一家四口相當溫馨！
不時喺社交網分享家庭樂。
哥哥不嬲都好錫妹妹，之前包包返Playgroup嗰陣勁緊張，包包入咗課室上堂，哥哥就好緊張咁喺門嘅小小玻璃位偷望妹妹上堂情況，一定係驚妹妹唔習慣會喊，真係超Sweet！
呢日徐榮就喺社交網PO咗Karson教妹妹踩單車嘅相，相中見到包包做足保護措施，仲戴上頭盔同護膝，睇嚟玩得好開心啵！
而Karson就喺隔籬好有耐心教包包踩單車，仲攬到妹妹實一實，成個小暖男咁！
好多網民都留言大讚Karson係好哥哥，亦有網民話好羨慕兩兄妹咁好感情！
(綜合報道/on.cc)
