【最開心嘅紅色炸彈】網民大讚阿嬌超靚啊

    藝人鍾欣潼(阿嬌)今個月20號就同老公賴弘國擺婚宴,近來阿嬌積極Keep Fit,為大日子做足準備!

    而相信親友都陸續收到喜帖,身為阿嬌金牌經理人嘅霍汶希(Mani)當然唔例外,佢今日就喺社交網分享相片興奮表示:「收到最開心嘅紅色炸彈❣祝嬌嬌同Michael甜甜蜜蜜幸福美滿#其實呢個係一個充電器#希望佢唔會爆炸」

    見相入面有個充電器,上面印有阿嬌和賴弘國個名同佢哋着上唐裝裙褂嘅漫畫肖像,網友都大讚個充電器好靚,仲話阿嬌一定要幸福呀!


    其實阿嬌同賴弘國今年5月喺美國舉行浪漫婚禮時,已經準備過充電器做回禮,不過當時漫畫肖像就係着西裝嘅。

    睇嚟今次喺香港擺酒阿嬌都會送充電器畀賓客,繼續寓意愛得甜蜜可無限放閃,電力十足!

    阿嬌之前影過中式「婚照」,仲提到:「當你遇上對的人,幸福就會不知不覺間溜進你的生命當中。」

    真係超靚!

    (綜合報道/on.cc)

    SHARE