佢喺社交網上載花束放喺BB櫈上嘅相，仲留言透露屋企會更熱鬧：「好快屋企又會再熱鬧啲㗎啦，作為新一代住家暖男嘅我，努力，加油！」言詞疑似暗示老婆再度佗B！
記者隨即向Keith求證此事，佢大方承認老婆懷上第二胎，但仍未知道BB性別。
藝人莫家淦（Keith）與太太婚後育有一子朗朗（莫朗翹），一家三口就快變成一家四口超幸福！
佢表示：「其實今次係預計之內，因為生咗第一個嗰時就想仔仔大啲再生第二個，依家啱啱好，大仔又三歲幾。」
佢透露太太當時知道懷孕後表現好神秘，等到兩個月後先話佢知。
Keith話選擇呢日公布喜訊係因為：「拍拍吓嘢記起今日係結婚六周年，後來去買咗紮花畀老婆，好似由拍拖到依家係第一次送花畀佢，順便擺上網時紀念呢個開心日子。」 
雙喜臨門恭喜哂！朗朗就快做哥哥啦～
(on.cc)
