【湊到個好字】母女平安:囡囡個樣超似哥哥

11年娶咗模特兒老婆鍾凱瑩,兩人婚後育有3歲多囝囝,今年7月宣佈老婆為佢陀第二胎,佢哋仲話呢胎係囡囡,湊成好字,老婆生完可封肚。

有仔又有女,從此何基佑一家三口就變成一家四口!

主持ViuTV真人騷《超級奶爸》!

話咁快,囡囡今日搶閘出世,奶爸何基佑即開心報喜,佢今日先用短訊回覆傳媒:「老婆今朝11點入院,12點40分就瀡出嚟,成個過程好迅速,母女平安。囡囡個樣超似清義(長子何清義Nathaniel),我睇到都毛管戙。」

 

何基佑已幫囡囡改名做何珊娜,英文名叫Sanna,佢話囡囡重2.8Kg,約6磅多。何基佑待老婆清醒推回病房,佢急不及待影相留念,Sanna躺在媽咪懷中,睡得香甜,Sanna樣子精靈,十分可愛。

(Apple daily)