【Chantelle已經識⋯】城城:好多身邊人祝福我

    藝人郭富城出席「聖誕頌歌節」活動,他透露近日非常忙碌,完成南京演唱會後便要投入新片宣傳,要待聖誕節才有兩日假期,屆時有意帶囡囡出外感受聖誕氣氛。


    城城指屋企已經布置好聖誕裝飾,亦有買禮物給太太及囡囡,更一臉慈父樣說:「囡囡依家手上拎住食物,都會餵我食,好Sweet。」更表示活動教導小朋友儲蓄,非常有意義,即使自己有多忙也現身支持。

    問可有幫囡囡儲蓄?城城謂:「佢出世時好多長輩畀利是,我幫佢儲起晒,冇拆,等佢大個就畀番佢,都會慢慢教佢理財、計劃將來,其實依家都唔會專登買名貴衫畀佢,小朋友簡單啲好,呢樣嘢同太太係一致。(係咪會幫囡囡儲首期買樓?)呢個好長遠嘅事,第時世界係點都唔知。」

    城城指囡囡已經識走路,故聖誕節會與家人度過。

    問可會趁聖誕節公布太太喜訊?城城仍然未有正面回應:「屋企再添成員係開心事,呢排都好多身邊人祝福我,呢樣嘢都係等天安排,大家留意我太太個肚啦!」

    (on.cc)

    SHARE