藝人郭羨妮（Sonija）以似V露膝短連身裙現身《2018六福珠賽馬日》，騷長腿展示性感。問會否投注？她笑言自己懂得策騎，但對投注沒有心得，志在參與。
提到聖誕節的節目，她表示要陪囡囡溫書：「因為放完聖誕假佢就要考試，所以主要係陪佢溫書。不過溫書期間都會同老公帶佢去主題樂園，咁先可以有bargain power（討價還價的力量）叫佢繼續溫書。（囡囡讀書辛唔辛苦？）佢功課好多，都有呻好辛苦，而我就負責督促佢做功課。」
「（怕唔怕影響母女感情？）就係怕，所以我都有同佢講，話如果真係搞唔掂就要去補習。同埋有時見佢學完啲嘢轉頭又話唔識就會好忟，所以都盡量控制住自己啲脾氣。」原來今日是囡囡跳舞比賽，但Sonija要出席活動未能現身支持：「所以派咗我媽咪去代我打氣。」
由於有橫財命，經常抽中禮物：「我記得第一年入TVB，台慶嗰陣我係有份做司儀，點知無啦啦畀我中咗架車，真係好似發緊夢咁。同埋都試過抽到唔少現金獎，不過六合彩就未中過，可能啲財運係自己送埋嚟，唔使自己買。」
(on.cc)
