「大帥哥」張衞健（Dicky）係圈中出名嘅「廿四孝老公」。
早前送咗一間五千呎北京豪宅畀老婆張茜歎世界，知道老婆鍾意做運動，所以又為佢添置咗好多運動器材。
咁佢喺香港又住幾多呎嘅豪宅呢？答案竟然係幾百呎！
Dicky日前接受傳媒訪問時，話近年搬返去同阿媽住：「以前不嬲都係同阿媽分開住嘅，不過係呢幾年，我先搬返嚟同阿媽住啫，因為阿媽年紀大啦，想陪佢多啲。」
問到阿媽個屋係咪好大？他就謙說：「普通嗰啲啫，其實我住嘅地方唔使大嘅，只要有一間房，畀我有啲私人空間就得，有張床畀我瞓，有地方畀我睇劇本就可以㗎啦。」
問到在香港有多少物業，Dicky就話：「我真係唔記得啦喎。」
(weibo / on.cc)
