【結婚16年一直恩愛】驚傳已經離婚

    喺02年閃電再婚,婚後生咗三個小朋友。
    二人結婚16年一直都好恩愛,仲不時帶埋三個仔女齊為小母牛香港分會出活動做慈善。
    近日,網上就傳出二人婚變消息,指二人離婚數星期,離婚更由女方提出。

    前財政司司長梁錦松喺02年閃電再婚,同細佢26年嘅內地跳水皇后伏明霞結婚,當年結婚消息相當震撼!

    婚後育有兩子一女,包括大女梁司渝,同兩個囝囝梁皓嘉、梁家瑋。

    《蘋果》搵到梁錦松回應離婚一事,佢表示:「謝謝關心。我和太太很好,離婚傳聞絕無其事,無中生有。」

    梁錦松否認婚變,而伏明霞就孖住教友姊妹鄭秀文(Sammi)等聚會。

    Sammi今日喺Instagram擺咗一條同伏明霞等友人聚會嘅片,一身黑皮褸打扮嘅Sammi負責揸機拍片,不過佢唔識揸機,將相機打橫拍攝,搞到伏明霞無所適從,但就笑得非常燦爛,一啲都唔似受婚變傳聞困擾。

    (Apple daily)

    SHARE