呢16年，佢由少女變成人妻，再變為人母，有仔又有女，湊到個「好」字！一家四口幸福美滿。
而黃浩然與太太莫家嘉（嘉嘉）亦於2005年結婚，二人婚後育有兩個仔仔，兩公婆人前人後都十分恩愛！
昨日出席慈善活動時，佢重遇舊拍檔黃浩然。
二人曾於2003年合作拍攝電影《新紮師妹2美麗任務》，當年電影上映時亦好收得，戲入面黃浩然飾演「周劍雄」，而蔣怡（Coco）則飾演「王妃」。兩位難得聚頭當然要合照留念啦！
Coco仲留言話原來佢哋足足16年冇見面：「一轉眼， 原來已經16年冇見啦！好彩大家都冇變！」唔少網民見到二人合照都留言大讚佢哋個樣都冇變過，仲話回憶返晒嚟呀！
(綜合報道)
