12年港姐冠軍張名雅前年同圈外律師男友蔡錦豪結婚，婚後育有囝囝Mario。
之後張名雅話自己鍾意小朋友，仲話越多越好添！
結果喺今年7月，張名雅宣佈再有喜，預產期係12月，不過呢個媽媽都好活躍，10月仲同老公去咗泰國度假，仲晒咗幾張大肚三點式泳衣相，當時都已經見到張名雅個肚份量唔少。
話咁快嚟到十二月，噚晚張名雅喺IG透露準備入產房，仲幫囝囝改埋名叫Milo：「See you soon baby Milo.」
據知，BB已經出世，係順產。
今日下晝張名雅喺IG貼咗自拍照，睇到佢精神都唔錯，留言話多謝各位祝福！
(apple daily)
