藝人陳瀅（Jeannie）喺社交網上載咗自己去嘉年華玩嘅相，女神個樣固然夠吸睛，不過最大嘅亮點都唔係佢，而係佢身邊嘅羅天宇！
二人早前拍攝《跳躍生命線》飾演情侶。
之後Jeannie同羅天宇嘅緋聞傳到疑幻疑真，雖然雙方都否認拍拖，但佢哋又冇乜避忌、周不時都會孖住出動。
Jeannie喺IG動態度晒出幾條短片，當中有個鏡頭仲唔覺意掃到佢身旁、撳緊手機嘅羅天宇添。
之後Jeannie又上載大合照，原來佢兩個係約咗班friend去玩，三男三女~
羅天宇今日凌晨都有喺自己個社交網度上載相片，見佢玩射籃game，隔籬仲有一大堆米奇公仔。
而之後Jeannie晒戰利品嘅時候都咁啱見到有一對米奇公仔，唔通係羅天宇親自為佢贏嘅？見Jeannie滿載而歸，個樣冧到爆呀。
(ig / on.cc)
