蕭潤邦（Oscar）同江若琳（Elanne）昨晚喺紅磡擺酒，晚上約8時半Elanne換咗白色婚紗，拖住着住寶藍色西裝嘅Oscar出場，兩人慢慢行上禮台，一班兄弟姊妹同賓客就喺左右列隊拍掌歡迎新人。
蕭太江若琳喺台上話：「多謝爸爸媽媽，過去31年操心，不過我搵到一個愛我嘅男人。多謝老爺奶奶，佢哋好年青，唔會有婆媳糾紛。」
之後兩人切結婚蛋糕，蛋糕以三層設計，中層寫有代表佢哋英文名嘅「O&E」，最上層係一個白色小教堂，入面就有一張兩人卡通相。
兩人隨後向賓客祝酒，錫完一啖後，又應司儀要求氹氹轉錫錫。
婚禮入面又玩頒獎，將一個「2018年候選好男人」獎俾咗張繼聰，阿聰話：「好男人要有個好家族，產生落去好重要，我想將呢個獎傳畀蕭潤邦，等佢發揚光大。」
Oscar接過獎後多謝老婆，佢話：「我哋好快識咗12年，都係太遲識，我哋約定下一世都一齊。」
Oscar講時，台下江若琳係咁用紙巾抺眼淚，Oscar再唱出《今生今世》冧老婆。
之後，新娘江若琳又再換上裙褂現身，見佢手戴4對勁粗嘅龍鳳鈪之餘，心口亦掛住3對，加上一條有3隻金豬的頸鍊及身上各種金器，可見佢嘅嫁妝真係夠重手。
嫁妝金器夠晒重手
相關新聞：
【花了7位數】蕭潤邦江若琳大晒世上只有一對鑽戒 https://goo.gl/SU854g
【係佢接到花球！江若琳：嫁畀你係我生命中最無悔最正確嘅選擇】https://goo.gl/APZwS1
【鬧蕭潤邦班兄弟好無賴 小肥不滿：我哋強迫收咗⋯】https://goo.gl/Yb3D2L
【三對情侶超級Sweet！江若琳多次感動落淚】https://goo.gl/xdV2UP
【江若琳蕭潤邦結婚 伴娘竟然係佢：第一次⋯】https://goo.gl/FgsTPB
【係咪有BB？】蕭潤邦江若琳婚照曝光 https://goo.gl/EmxWQo
(on.cc / appledaily)
