郭富城日前宣布太太方媛（Moka）再度佗B（相關新聞：https://goo.gl/EsVXUZ）！三年抱兩，城城就梗係好開心啦！由佢嘅表情同眼神完全感受到佢幾咁興奮滿足～
嚟到聖誕佳節，佢究竟會點同老婆方媛慶祝呢？城城冇因為方媛大肚就匿埋屋企唔出街，趁住大時大節兩公婆出咗去行街食飯，城城仲用「老公視角」影咗方媛企喺聖誕樹下嘅靚相。
一身黑色打扮外加鬆身大褸，方媛個孕肚就暫時未顯露出嚟。
之後方媛晒出城城攬到佢實兼頭貼頭嘅甜蜜合照，兩個都笑瞇瞇，城城仲開心到V晒！
上年結婚到依家，都未見過佢哋咁高調曬恩愛！
方媛仲留言玩互動讚老公放閃：「謝謝每個節日在身邊的陪伴和驚喜，小小的感動，大大的幸福（居然愈來愈會拍照了）。」
好多網民都留言話隔住個mon都feel到佢哋嘅幸福！
(綜個報道/on.cc)
