【3個月囡囡已經無飲奶好多日】陳柏宇老婆符曉薇無奈發文


    陳柏宇老婆符曉薇(Leanne)琴日度過產後第一個聖誕節,佢喺社交網上載一張寶貝女Abigail瞓覺相,好似好乖咁。

    但其實Leanne呢個聖誕過得有啲激氣,原來3個月大囡囡Abigail唔肯飲奶。

    無咩點化妝嘅佢好無奈投訴囡囡:「呢個BB又唔肯飲奶,又喊啦,睇吓佢瘦晒啦!冇飲奶好多日,飲嗰啲啲,好似畀你食毒藥咁係咪?」

    而囡囡就郁嚟郁去,又用天真無邪嘅眼神望住鏡頭,真係點嬲得佢落!

    希望囡囡快啲乖乖飲奶,令爸爸媽媽無咁擔心啦!

    相關新聞:【由81升到232】陳柏宇老婆符曉薇要停止餵人奶 https://goo.gl/47SpLw

     

     

     

     

    (ig / 綜合報道)

    SHARE