28歲嘅單文柔（Phoebe）今年10月同陳展鵬結婚，成為陳太太，每日都幸福滿瀉。
結婚一個月就宣佈有喜，乳名都改埋，叫「小豬比」，但一直冇透露懷孕幾多個月。
早前Phoebe透露行街時被人撞到，搞到個肚拉扯咗成個幾鐘，嚇到老公唔畀佢自己出街，難怪日前見到陳展鵬陪老婆一齊shopping，去到邊都跟到實，做咗緊張大師（相關新聞：https://goo.gl/1FNj1F）。
單文柔話一直好希望屋企有棵真嘅聖誕樹，今年老公就完成咗佢呢個願望。
今日單文柔首次曬肚，喺IG貼咗一張穿上白色吊帶裙，清楚見到腹部隆起。
估計懷孕約5月，而旁邊用鮮花襯托，好靚。單文柔留言話﹕「你們的假期過得好？ 剛剛過了我最喜歡的節日。今年。。。買了一棵真的聖誕樹，有好香的松樹味，佈置了我們的家，做了兩頓晚餐，在聖誕樹下準備了禮物，看了一場戲。最重要是今年可以和你一起度過。」
單文柔指嘅你，應該都係老公陳展鵬，真係甜到漏呀！
(綜合報道)
