藝人陳茵媺（Aimee）同陳豪近日一家五口齊齊到澳洲悉尼過一個熱辣辣嘅聖誕節。
早前PO咗一家五口全家福慶祝聖誕節，Aimee仲煮咗一個聖誕晚餐，有焗火雞、龍蝦及蛋糕，更準備咗聖誕襪送給小朋友！
小公主超可愛～
見到啲相都feel到佢哋幾咁開心～一家人遊覽悉尼的景色之餘，更跟當地的聖誕老人合照，不過這位聖誕老人卻是穿短褲，相當特別。
Aimee之後都有繼續喺社交網上載靚相，日前佢哋先去完動物園。
呢日又再次出動，同仔女一齊影家庭照！
Aimee Post出一張仔女埋位影相前嘅花絮相。
見兩個仔仔着裇衫配淺藍色短褲，而囡囡就着上粉紅色裙，真係襯到絕一絕！
Aimee留言表示呢次係同奶奶一齊帶仔女影家庭照，仲話為咗呢輯相，花咗好多心機幫佢哋搵服裝，就連化妝set頭都一腳踢做埋，認真係廿四孝媽媽！唔知幾時先有靚相睇呢？
(綜合報道/on.cc)
