由圈中好姊妹陳凱琳、龔嘉欣、譚凱琪同沈卓盈組成嘅「少婦聯盟」，不時相約出外相聚，就算懷有身孕嘅陳凱琳，大住個肚都一樣赴會！
四位靚女喺迎接新一年前約出來烚下烚下，傾足5粒鐘都唔夠喉，靚人靚景配美食，唔少網民都話好羨慕！
龔嘉欣留言：「2018這一年感恩我們四個可以陪着大家成長 進步 經歷人生不同的階段 💕💕珍惜❤️這次的飯局聚會算短，才五個小時，弱了一點，不夠呀」見咗五個鐘都話唔夠喉，唔知佢哋傾咩話題，講極都講唔完呢？
幾位好姊妹聚會後上載咗合照於社交網，作為準媽媽嘅陳凱琳話今次聚會好特別。
「今次嘅聚會好特別：要多謝一位啱啱返到香港就出嚟食飯嘅，要多謝另一位今晚要食兩次飯都出嚟嘅，再要多謝埋一位食完飯仲要趕去開工嘅，每次時間都好似過得好快，不過每次都過得好開心」
(weibo / 綜合報道)
