【已經好努力】胡杏兒:呢個係艱難嘅決定

胡杏兒、郭羨妮、林德信及江欣燕等主演電影《朝花夕拾.芳華絕代》,昨晚在銅鑼灣舉行首映禮。

盛裝而至的郭羨妮,與同屆港姐胡杏兒攬住傾咗兩句,更齊齊擺出驚訝表情,相當搞笑。

她受訪時謂由於太遲出聲關係,未能安排老公入場睇戲,只能日後買飛捧場。今次扮演梅姐歌迷,她直言自己得投入,喊到聲嘶力竭:「雖然我未有機會見過梅姐,但今次聽佢啲歌,回憶返晒嚟。」

她又表示老公是鐵漢,但沒有柔情:「畀佢搞到我都冇晒溫柔,我啲喊功冇用,試過我同囡囡扮喊話冇錢食飯,佢唔上當,當然我相信真喊嘅話,佢會安慰我嘅。」提到除夕,她原本與囡囡到主題樂園遊玩,可惜未能購得入場券,惟有改變行程,而月中她將於香港開拍新戲。

而胡杏兒表示:「家姐是梅姐(梅艷芳)的super fans,所以我細個已很留意這位巨星,但入行時已無機會見她本人了,今次可以透過套戲更深入了解到梅姐的重情重義,她對我而言絕對是要學習的前輩。」

提到劉德華宣布取消餘下紅館個唱場次。

已去捧場的杏兒說:「我看的剛好是華哥中途決定取消的場次,當日看到華哥好努力演出,這是個艱難的決定,希望他快些好番!」

 

 

 

 

 

(mingpao / on.cc)