【網民錯哂重點咁話…】陳茵媺再PO相

    陳茵媺(Aimee)與陳豪於2013年拉埋天窗,婚後育有兩子一女,為咗可以專心湊B就淡出幕前,間唔中先出席下Event。

    早前佢哋一家五口去咗澳洲過咗個熱辣辣嘅聖誕,Aimee仲親自設計咗一個2019年家庭月曆,封面係佢哋一家人嘅全家福,真係夠哂Sweet呀!

    不過未知係咪啱啱喺澳洲返嚟仲未適應香港嘅天氣,近日天氣嚴寒,雖然係咁,陳茵媺都冇偷賴,一朝早就陪小朋友出咗去踢波。

    佢呢日喺社交網上載咗一張自拍照,見佢禦寒功夫做到足,着住羽絨戴晒帽,但佢都話覺得好凍,仲話喺凍到離譜嘅天氣下做一個足球媽媽,真係凍到連手指都僵硬埋!

    睇吓佢啲手指,嘩!唔止僵硬喎,仲好不經意咁晒咗兩隻鑽石戒指出嚟,其中一隻仲鑲嵌咗一粒好大嘅鑽石,真係好閃呀!

    有網民搞笑話有粒咁大隻嘅鑽戒照住,幾凍都唔怕啦!

    (綜合報道/IG/on.cc)

    SHARE