藝人袁偉豪（Ben）與女友張寶兒拍拖一年多、愈愛愈甜蜜，感情穩定！
佢之前接受訪問時形容過女友張寶兒係一個「開心寶貝」。
今年袁偉豪經歷了父親離世，佢亦好感激女友甘苦與共。當時張寶兒都有幫忙打點袁夫身後事。
本來話完全冇諗住咁快結婚嘅佢之後都開始轉口風，話會開始計劃結婚，睇嚟已經認定寶兒！
日前元旦，二人相約大班親友前往尖沙咀的酒樓享用午膳，共度新一年。
現場所見，Ben及張寶兒着上粉紅色情侶裝現身，Ben除了體貼地為女友夾食物外，又頻頻為身旁的長輩斟茶遞水，服侍周到。
食至尾聲時，二人還與一名小女孩玩個不停，戴上帽的寶兒捉住女孩的雙手拍打男友面珠，母愛大發的她玩到笑晒口，好似「一家三口」咁溫馨！
唔知第日佢哋結婚生B之後係咪就係咁有愛嘅畫面呢？
一行人最終逗留個多小時才離開，午膳由Ben埋單請客。
(綜合報道/on.cc)
