12年前合作電影《美女食神》結下緣分，事隔咁多年兩位主角終於都嚟個「會晤」，齊齊現身上海嘅佢哋即刻要合照留念，阿佘仲將合照放上網，配埋《美》劇照。。。
佘詩曼（阿佘）出哂名係凍齡美女，最近憑《延禧攻略》再度爆紅！
素顏都咁索，真係Keep得好好啊！
2007年，當時已經係視后嘅佘詩曼曾經同唱住「當櫻花迫於遷往悄靜月球」嘅李克勤有過一段短暫又深刻嘅「情」，不過就靜悄悄地埋藏喺大家心裏，估唔到到咗2019年，呢段友情終於都「開花結果」喇！
12年前阿佘同克勤合作電影《美女食神》結下緣分，事隔咁多年兩位主角終於都嚟個「會晤」，齊齊現身上海嘅佢哋，一個變咗嫻妃，一個被公認靚聲王。
佢兩個即刻要合照留念。
阿佘仲將合照放上網，配埋《美》劇照。
仲問網民佢哋12年後有冇好大變化，一班粉絲就即刻留言狂讚佢哋冇變過，仲狂話一樣咁Cute咁靚女添！
(綜合報道/on.cc)
