蕭正楠與黃翠如秘婚後，不時喺網上晒愛放閃。
蕭正楠之前上載自己炮製給愛妻的雞翼煎蛋飯後，翠如呢位「人妻」都做番啲嘢…
見老公呢排日拍夜拍，煲咗個下火的節瓜咸蛋肉片湯畀佢，老公阿蕭當然好開心到暈，仲喺社交網站上載老婆靚湯相。
更留言謂：「唔通今日係我生日？定係我做得善事多？返到屋企竟然有湯飲？」好多人即刻留言大讚翠如之際…
被譽爲最強「二奶」曹永廉即留言…
「小心有毒！」
跟住不少網民寸曹永廉話：「好一個進擊的小三啊！」又有人指阿廉「呷醋」，認真笑爆！
而黃翠如死黨兼好拍檔洪永城都有加入戰團，佢問蕭正楠會唔會係發緊夢諗多咗？
網民乘機向洪永城催婚，叫佢快啲結婚就會有呢啲福利！
(ig / 綜合報道 / on.cc)
