【曾因大台「御用情婦」之稱斷送兩段情】康華直認即將踏入人生大事

    1994年參選港姐而入行的康華,曾演《陀槍師姐》系列、《醉打金枝》及《刀下留人》等劇集的康華,均演小三、風塵女子或奸妃,故有「御用情婦」、「小三專業戶」的稱號。

    最經典是在《陀槍師姐》系列飾演「心姐」,跟人夫魏駿傑出軌。

    她坦言因角色深入民心,故先後斷送兩段感情,原因是被男方家人看不起,感到不受尊重而斬情絲。

    雖然經常演盡小三,但現實中的她卻零緋聞,單身十年,全因貼身照顧患有心臟病的父母,更推掉兩部達7位數的內地劇集,索性留港照顧,她說:「有幾次我趕返嚟先救得番父母!」並花百萬積蓄給父母做心臟及眼部手術。

    真係孝順女!

    早前康華於《流行經典50年》翻唱台灣歌手黃品源的經典歌《你怎麼捨得我難過》一鳴驚人,加上她於劇集《宮心計2深宮計》的押韻對白,被網民封為「唐代Rapper」。

    環星唱片公司見她大受歡迎,食住上力捧這位美魔女做歌手,推出Rap歌《拼火花》。

    破格踩入樂壇做Rapper,不再做「小三專業戶」!

    她拍攝新歌MV時,穿上古裝,更出動價值約600萬的名車襯托,車主疑似是追求者。康華直認將踏入人生大事,47歲的她不愁冇出路。

    日前康華拍攝處女MV時,除有蒙面女俠及女強人造型外,最煞食是為她度身訂造的古裝Look風情萬種,更出動價值近600萬的法拉利,營造香車美人效果。而現場有一名神秘男全程𥄫實,惹人猜測她有新戀情。

    問到借出名車的男士是否追求者?康華說:「朋友嚟嘅,佢同曾志偉、苗僑偉好熟㗎,佢嗰日都有嚟。」忙於照顧患病雙親的她除了努力演戲外,坦言希望轉做Rapper開拓新財路,發展內地市場。單身多年的她笑言:「好多朋友笑我嫁唔出、唔會結婚,話今次轉做Rapper出新歌,當係我結婚咁嚟賀我,係我嘅人生大事,所以下星期開發布會,嗰日會有好多朋友嚟支持我。」

    最令她感動的是,曾志偉打算放棄返內地開政治會議,專誠來撐她,不過遭她婉拒:「我同志偉講開國家大事會緊要啲。」

    問到可考慮角逐樂壇新人獎?她稱沒想過:「不過羅仲謙鼓勵我,有機會應要試一試。(向歌壇發展,想唔想將電視角色洗底?)都可以咁講,以前我成日被人封做『小三專業戶』,不過近幾年都好少接到呢啲角色,多數都做慈母同嫵媚角色。」

    另外,她邀得好友陳煒齊穿浴袍拍片造勢,對方問到:「康師傅(康華),聽講你首新歌係Rap喎,內容講乜嘢?」康華搞笑說:「Rap你囉!講煒哥點樣拼火花,點樣去做嘢,見你咁辛苦,幾日唔瞓覺。」此時陳煒拉開浴袍騷香肩,康華即大笑及攬實對方。

    (綜合報道/on.cc)

    SHARE