【Do姐宣萱齊PO相】網民大讚46歲嘅佢超有氣質

鄭裕玲(Do姐)圈中人緣甚廣,平時約開「至八會」成員飯聚,當然Do姐除咗「至八會」,仲有其他好姊妹啦!

廣告

廣告

噚晚Do姐就孖成班好姊妹一齊post相,話「今次好特別」,仲同大家講新年快樂。

見到相中有Do姐、宣萱、丘凱敏、顧紀筠、劉曉彤,仲有好耐冇見嘅吳美珩!佢哋更齊齊tag「吳美珩」,見佢哋手上拎住好多嘢,未知係一齊分禮物,定係Do姐派禮物呢!?

之不過網民焦點卻落在吳美珩身上,大讚吳美珩keep得好好,仲係咁靚,指呢個組合係六美圖,紛紛留言「一眼看到吳美人」、「好想睇吳美珩做戲,細個睇佢做戲,咁多年都仲係咁靚」、「好耐冇見吳美珩」及「以前已覺得佢好有女人味」。

無綫前當家花旦吳美珩曾拍《女人唔易做》及《妙手仁心II》等劇,2007年為富商老公王華麟生咗個女,便退出娛樂圈,之後再為老公生咗個仔,一仔一女好圓滿!

雖然吳美珩離開圈中多年,不過同宣萱仍有聯絡,見吳美珩已為人母,優雅氣質不減,難怪唔少網民想佢復出拍戲。

(Apple daily)