【曬溫馨全家福】Bob一家六口超熱鬧!

    林盛斌(Bob)與老婆Pearl婚後育有三女一子,一家六口溫馨又美滿!

    Bob出晒名係廿四孝老公同爸爸,時不時都會喺社交網大晒家庭樂。

    呢日佢上載咗一張全家福,相中Bob與一歲幾嘅囝囝着上西裝襯恤衫,而老婆同三個愛女就着上白色婚紗,勁有氣派!Bob留言:「又真係多人咗d(啲)嘅………」

    唔少網民都大讚Bob與囝囝官仔骨骨,而佢老婆同啲女就似足餅印,畫面Warm爆!

    東網聯絡到Bob,佢好開心咁話:「呢輯相係上月我外父70大壽時影嘅,同外父一齊影,仲有我老婆家姐嗰啲一家人影全家福(相關新聞:https://goo.gl/4Je6sP),之後我哋自己屋企亦趁機影番輯靚仔嘅相!一家人全部Dress up又化妝,仲Set埋頭,我去到時都『嘩』咗一聲,咁有型嘅!我仲以為係邊個結婚,點知原來係我哋自己影全家福,好開心!張相大家都笑得好開心,正呀!我見到有啲網友留言話『仲有位坐喎』,但我就話『冇喇冇喇,冇位』!」

    佢仲話:「見到好多朋友仔話張相感覺到好開心,多謝一班網友、朋友們嘅祝福!多謝多謝!希望大家都幸幸福福、開開心心!」

    (綜合報道/on.cc)

    SHARE