【囡囡罕有現身撐爸爸】張學友:試過感冒同抽筋

    張學友嘅巡迴演唱會返到嚟香港開最後15場,佢喺演唱會入面都講笑話,一返到香港就緊張,試過感冒同抽筋,啲老人病出晒嚟。

    而頭場嘅表現絕對唔失禮,但有時去到高音位,就唱到得好肉緊,唔知係咪感冒影響,唱高音有時仲拆拆地,不過Fans都依舊「收貨」!

    唱至中段他叫全場Fans揮動入座後送贈的特製螢光棒(可由大會控制全場螢光棒顏色),一片藍海營造溫馨氣氛,令Fans聽到如癡如醉!

    呢一晚喺嘉賓席上仲有個重量級嘉賓,就係學友大女張瑤華(Zoe)啦!

    Zoe上年18歲,《蘋果》喺中環見過佢,佢當時一個人搵路上美容院做facial。呢晚Zoe捧場,坐喺嘉賓席聽爸爸唱歌唱得如癡如醉,睇到興奮又會揮動打氣棒。

    無獨有偶,劉德華早幾星期喺紅館開騷,6歲女兒劉向蕙都入場,睇嚟四大天王都準備好俾接班人出場喇。

    (綜合報道/apple daily)

    SHARE