【已經知道BB性別!】大肚張美妮:重咗11磅

廣告

廣告

廣告

藝人張美妮與圈外老公KK於2013年結婚,二人一直都話好鍾意小朋友,早前終於有好消息,宣布造人成功!

廣告

依家懷孕4個多月,呢日張美妮到電台受訪,見佢肚皮開始隆起,但仍然手腳纖幼,佢表示:「個肚係呢個月開始咁大,但手腳都未係肥,可能我平時做開運動,所以行路都仲係健步如飛,老公成日提我行慢啲。(重咗幾多?)11磅左右。」

問到懷孕可有不適?佢就話:「呢個星期腰下面近屁股開始有啲痛,之前真係好彩一次都未嘔過,不過就有失眠,一晚起身4、5次,醫生話可能係荷爾蒙轉咗所以咁,但依家已經冇事。」

廣告

美妮亦透露預產期是6月頭,表示本身想順產:「但啲朋友係咁嚇我,搞到我都有啲驚,但醫生話我適合嘅,所以遲啲再睇情況。」

佢仲話依家都有接少少工作:「一個月一次公司節目,同埋啲Annual Dinner,啲客都好好,如果唔做嘢我又驚生活太單調。」美妮笑笑口話打算工作到生B前:「啲人話前二後八,不過我唔知到時情況點樣。」

問到老公可緊張佢佗B?美妮即話:「係呀,佢覺得我論盡,叫我小心啲,同埋車出車入,盡可能都陪我做嘢。」

咁係佗仔定女?佢就答:「其實係知嘅,但想新年見到親戚朋友先講,畀個喜悅佢哋。(新年都係留喺香港過?)係呀,本身想去個Babymoon,但老公想穩陣啲,就話等BB出世後再去。」

 

 

(綜合報道/on.cc)