【陳智燊話唔想咁傷感】靚媽胡杏兒：已經教咗囝囝…

胡杏兒同陳智燊（Jason）今日去到寶琳為新春展覽擔任揭幕嘉賓，並按日本傳統進行「鏡開」儀式，又學整賀年糕點同玩傳統節日遊戲。

杏兒近日於横店開工，但她一早跟劇組申請十日假，農曆新年返港過年。一如往年，杏兒會自製蘿蔔糕派給親朋好友，今年想挑戰試整紅色蘿蔔糕，身為鄰居的Jason聽到即食指大動，向杏兒自薦幫手大掃除以換取蘿蔔糕。

胡杏兒話：「我係有家室嘅人，一早已經請咗假返香港過年。新年諗住自己整啲蘿蔔糕，同埋教咗囝囝請請，到時可以𢭃多啲利是。」

杏兒已經教曉囝囝Brendan拜年請請動作，並傳授心得教Jason，提醒他幫三個多月大的囝囝Damon悉心打扮…

問到Jason過年期間會否出埠？他說：「唔啦！囝囝出世冇幾耐有去過一次，嗰時喊住FaceTime，新年流流唔想咁傷感！」

因為BB第一年逗利是會大豐收，可以留作教育基金之用，Jason即講笑話要將囝囝長駐喺杏兒屋企，佢一班好姊妹嘅利是就可以袋袋平安喇！另外，Jason表示新年將留港過年，因為之前試過夫婦兩人去旅行，但太記掛囝囝而日日喊，所以兩人決定等待Damon再大啲，再一家三口去旅行。