近排網上興玩十年前後對比圖，唔少藝人都跟風玩埋一份，實行畀大家睇吓過去嘅黑歷史！先有平時官仔骨骨嘅陸浩明，一嚟就上載番廿年前嘅相，即係19歲嘅佢，同依家個樣冇咩分別，只係髮型唔同咗。
仲有網友講笑話佢細到大都咁似小夫添！
至於前華姐冠軍鄧佩儀就出貓，話搵唔到十年前嘅相，只係得九年前中學畢業相，被網友大讚佢依家個樣仲後生過九年前！
至於前港姐冠軍馮盈盈，就上載張冇化妝嘅相…
見佢當時應該試衫行緊騷，但黑眼圈都幾深，似乎連盈盈自己都嚇親：「小姐，你邊位？」
(ig / 綜合報道 / on.cc)
