【結婚8年幾終於願望成真】宣佈52歲太太佗B:1+1=3

2012年離開服務了24年的無綫,《飛虎》是其離開無綫電視前的最後作品。現轉職做泰拳拳證、裁判和教練,身兼游泳教練。

廣告
曾與楊思琦結片緣。

廣告

以前好多劇集都見到佢身影。

2010年娶圈外女友,兩公婆結婚8年多,曾經歷過一次婚姻失敗的他與首任太太於04年離婚,2010年與現任太太陳麗麗再婚,當年45歲的他與太太拍拖一年多即決定再婚,他坦言終於搵到真愛,感受到從未有過的幸福感覺,再婚不是一時衝動。

當年他已明確表示雖然同太太已屬高齡,但好恨有自己的仔女,一早已不設防,終於在今年願望成真,52歲太太高齡佗B!噚晚佢哋喺facebook開心share,貼出一對初生嬰兒手套,留言:「1+1=3,2019願望成真,以欣喜之心迎接新生命的來臨,一家三口。」

現年51歲嘅「準豬爸」黃澤鋒接受傳媒訪問時好開心咁話:「係呀,係呀,真係多謝你,咁嘅年紀做爸爸,其實我哋結咗婚將近十年,無論仔或女都想有,都好開心,我哋都唔細,有一個家庭就完整啲、開心啲,我有教小朋友(游水),佢哋有曳有乖一面,我哋都鍾意小朋友,今次有真係好開心。」

黃澤鋒又話太太目前有咗剛剛三個月,雖然黃澤鋒喺fb貼出粉紅手套嘅相,不過佢話唔係暗示生女,個肚仲細,仲未照到BB性別:「預產期7月,之前要預備啲嘢喇,我未做過爸爸,同新手冇分別。」

黃太陳麗麗52歲係高齡產婦,問到黃澤鋒點樣照顧太太?佢話:「太太所有重嘢唔拎得,我見佢都辛苦,佗住BB見佢冇乜氣力,最重嘅嘢喺晒我身上,出入都車佢,聽講呢段時間最麻煩,醫生話過咗呢段時間好啲,小朋友、大朋友都關我事,我呢排好忙,另一方面要搵奶粉錢,又勤力做嘢,所以有job都接,如果大家聽到我呼籲,畀多啲job我,搵多啲錢養小朋友嘛,太太教緊泰拳班我接手,雖辛苦,但辛苦得嚟好開心,迎接一個新生命,對於我嚟講應該唔同咗。」

恭喜晒!!

(綜合報道)