蕭正楠今日出席活動，講到同老婆黃翠如第一年派利是，蕭正楠話：「真係要換double錢，除咗同事，仲要派畀親朋戚友：「我爸爸嗰邊親戚有成百人，繁殖能力好強。」
問佢嘅繁殖能力有冇得到遺傳？蕭正楠就好尷尬咁話：「姓蕭嘅，哈，我啲功能仲好function到，我都食好多蕃茄、雞蛋o架。」
至於係咪已準備好隨時造人？佢就話今年同老婆都好多劇集，應該無乜時間：「無謂搞佢啦，大家都好攰，畀佢做好工作先。（黃）澤鋒50幾歲都生啦，可能翠如60歲先生呢。」
記者笑言到翠如60歲嗰陣，唔知佢仲得唔得？蕭正楠就拉老友曹永廉落水話：「放心，阿廉畀咗好多偏方。」
(apple daily)
