【三代同堂激罕同框】孝順乖孫阿Sa:除咗爸媽 嫲嫲就係我最親最愛嘅人

藝人蔡卓妍(阿Sa)唱歌拍戲兩邊走,雖然忙唔停但一定以家人為重!

呢日佢喺社交網分享咗兩張相,原來阿Sa嫲嫲90歲喇!

一班孫仔孫女為阿嫲擺大壽,準備咗兩個蛋糕,一個仲係麻雀造型,真係啱晒老人家心意!嫲嫲、Sa爸同阿Sa仲三代同堂捉實手仔切蛋糕,真係非常溫馨!

一身Rock爆造型嘅Sa爸仲好有型添!

雖然嫲嫲已經90歲,但依然非常精靈,網民都話同阿Sa一樣咁靚女,祝佢身體健康!阿Sa亦攬實嫲嫲影相。

留言:「除咗爸爸媽媽 嫲嫲就係我最親最愛嘅人 我阿嫲真係好可愛好搞笑㗎 係一個非常好嘅人 成日都幫人 就算自己洩(蝕)底都唔計較 超級無敵樂觀仔就係佢喇!」

好姊妹兼戰友阿嬌都同阿Sa嫲嫲好熟絡架!

 

 

 

 

 

 

(facebook / 綜合報道/ on.cc)