Happy Birthday「豹哥」單立文！勞工及福利局局長羅致光早前指在香港60歲才算是中年，而豹哥昨日剛踏入中年，昨晚與《愛．回家》一班演員劉丹、呂慧儀、蘇韻姿、湯盈盈等一齊慶祝「登六」生日派對。
豹哥一口氣收了六個大蛋糕，現場還有製作了Q版豹哥公仔，穿着一條superman三角褲，手手腳腳可以郁，十分搞笑。
見豹哥雖然已經60歲，但就好似食了防腐劑一樣，無論樣貌和心境依然好年輕，見他在場內滿場飛，與賓客跳勁舞，又攬實豹嫂胡蓓蔚錫錫兼一齊切蛋糕，非常恩愛。
阿Sa蔡卓妍都有現身出席，還在IG貼大合照，並留言﹕「一入行，由第一個Twins演唱會開始到打後咁多個演唱會，佢都有參與，無論最快樂，定係最傷心嘅時候，佢都陪住我哋。雖然有侯賽因嘅外表，但係擁有一顆溫暖嘅心。豹爺，生日快樂，希望你同豹嫂身體健康，好人繼續被世界溫柔以待@palsinn @paisleyhu#亂入愛回家#我見到叉燒炳#好開心#最慘打敗仗#一杯酒都冇飲過」。
而「胡說八道」姚子羚亦有留言﹕「聽講呢位BB今日登六呀！#人不selfie枉少年 #豹哥登六#keep得幾好。」
(appledaily)
