藝人陳豪及陳爽到中環出席保健產品發布會，已為父母的兩人相當注重健康，已有三名子女的陳豪坦言，入行至今精力明顯有很大變化，他笑指：「被三隻馬騮仔損耗最多，另一樣係記憶力，以往過目不忘，現在要花多兩分鐘時間記劇本。」
陳豪又透露近年經常運動和關注營養，體能比以前更佳：「畀張繼聰影響咗我做體能，唔止係肌肉，仲有心臟，仲有要注意自己食啲咩，夠唔夠瞓，以前好怕凍，要着十件衫，依家一件Tee就夠。」
他笑言跟三位仔女玩耍都不會氣喘：「一次舉起兩個冇問題，三個都好Easy，一個都30磅㗎！」
他又表示會跟兒子分享飲食注意事項，大仔亦會試他的蛋白粉：「平時都會計住啲卡路里，唔會食太多，中國人好鍾意食飯，成日要食得飽，但係多餘嘅飯就係會變肥胖。（你係咪想有120歲？）我梗係想過百，可以陪啲仔女耐啲，睇住佢哋生啲孫。」
陳豪與陳爽討論健康飲食期間，身為海味店老闆娘的陳爽即推薦對方食花膠。
陳豪笑言其太太陳茵媺有經常幫襯。
陳爽又說：「我自己都貪靚，想由內靚到外，所以最近都多咗運動，第一次做瑜伽，夏天就嚟，希望未熱就可以減肥減走鬼祟肉，希望keep到一星期兩次。」
(綜合報道/on.cc)
