【十年前退出娛圈 因病離世】任達華沉痛:佢個人好好,好可惜

曾與他多次合作的任達華表示沉痛:「好可惜!我同林文偉識咗好耐,佢本身係西洋拳手,以前喺TVB一齊拍好多劇,佢個人好好,同佢個女都好熟,因為我哋係同一間Gym做運動,成日都話叫埋佢爸爸一齊嚟做,聽到佢離世嘅消息覺得好惋惜,希望大家都珍惜眼前人。」

廣告

廣告

他生前好友麥子雲透過社交網悼念摯友,在《愛回家之開心速遞》飾演KC的歐瑞偉回應了他的悼文,同樣感到心痛。

演員及武術指導歐瑞偉回應了麥子樂的悼文,同樣感到心痛。

 

 

 

資深演員林文偉早前因病離世。於七、八十年代由影壇武師進身為演員的資深電影人林文偉,曾參與拍攝過多部經典電視劇和電影,當中包括《上海灘》、《A計劃續集》等,早前因病離世。

香港動作特技演員公會副會長張雷對好友離世深感惋惜:「我同佢當年拍過好多戲,好似《最佳拍檔》咁,好老友,舊年見過佢,佢嘅身體都唔係咁好同埋好瘦,行路條氣都會喘,佢話因為肺炎所以身體弱啲,怕凍同埋好易病。」

 

 

林文偉約於十年前離開娛圈,曾做過地盤科文,離世消息一出,張雷代表公會向林文偉的家屬作出慰問:「會長錢嘉樂都知呢件事,我亦代表公會聯絡過佢女兒,問佢有冇需要幫手,佢話暫時OK,我哋同佢講,之後有乜嘢要幫忙就隨時出聲。」

 

 

 

 

 

 

(綜合報道 / on.cc)