【一聽陳凱琳話再生】鄭嘉穎就即刻答…

仁濟醫院董事局主席王賢訊(Vincent)及表哥鄭嘉穎出席「仁濟醫院第52屆董事局就職聯歡晚會」。

講到Vincent榮升主席,嘉穎有冇送嘢?話佢嚟已經係最好嘅禮物,Vincent說:「確保表哥一定嚟,所以請埋姑媽。(請表哥出席仁濟活動?)等佢忙完電影宣傳先。」

 

鄭嘉穎話今次係同媽咪嚟出席,問點解唔帶埋老婆陳凱琳出席?他說:「佢今晚要睇住個仔,我哋唔可以一齊出嚟,要是但一個睇住個仔。」

Vincent話鄭嘉穎仔仔鄭承悅出世時,贈咗鄭嘉穎幾句,指仔仔係叻仔,鄭嘉穎笑言:「唔理係唔係,我都信。」問到鄭承悅係咪旺鄭嘉穎?Vincent話:「非常旺,係叻仔。」鄭嘉穎一聽到即笑言:「佢係我面前梗係咁講啦。(係咪要似你咁靚仔?)似老婆好啲。」

再問Vincent算唔算到鄭承悅有冇兄弟姊妹,鄭嘉穎話:「咁佢幫唔到我決定。」Vincent即補答:「密切期待。」講到陳凱琳都話ready再生,鄭嘉穎就立即話要抖一抖,非常搞笑!看來湊仔仔已經令這位新手爸爸有點束手無策了!

問到鄭嘉穎有無向Vincent取經,佢話依家逢人都會問,咩階段都會問人取經。

問到鄭嘉穎會唔會學王賢訊咁做總理?

佢話冇興趣同時間:「Vincent已經完成修身齊家治國,但係我依家仲齊緊家。依家要做好自己,嚟支持吓OK。人生有唔同階段,結咗婚會將自己擺後啲,有咗個仔又再後啲,再生個女再後啲,依家屋企係第一位。」

 

今日重點新聞:

【瘋傳張丹峰出軌 畢瀅疑有喜】洪欣終於現身 https://bit.ly/2ZhI0VQ

【洪欣被爆曾一氣之下走人】畢瀅手執疑似驗孕棒 有咗!?https://bit.ly/2ItO2MW

 

 

 

 

(綜合報道 / on.cc)