【求婚成功】被爆肚凸凸疑雙喜臨門!

現場氣氛好好,有一堆人喺度跳舞,好似開Party咁!

廣告

廣告

約晚上八點幾,奚夢瑤蒙上雙眼,由好友陳學冬扶住出嚟。換上公主衫嘅奚夢瑤,見佢腰肢圓潤肚凸凸,仲要穿上平底鞋,步步為營,孕味甚濃!戴后冠嘅佢,十足十公主,猷君就拖住女友,非常sweet!

何猷君今次求婚成功,真係恭喜晒!

賭王何鴻燊四房兒子何猷君向超模女友奚夢瑤求婚,佢仲清空三層商場兼出動99,999朵玫瑰,搞到勁誇張!而猷君都好醒目,一早收埋咗奚夢瑤電話,如果唔係就被劇透晒!

同奚夢瑤求婚時,何猷君換上白色西裝,依足傳統單膝下跪。何猷君向奚夢瑤求婚時,喺台上聲稱自己為求婚準備咗好耐,仲以兩文三語講我愛你,冧爆對方。隨即佢講愛的宣言,話奚夢瑤係一個特別純真嘅小孩:「無論是你說的每一句話做的每一個事情,我跟你度過的每一秒,我都覺得特別安全。我不會需要去懷疑你不傷害我都會懷疑你會欺騙我。我知道你對我的付出絕對是百分百的,而且是百分百真誠的。」

猷君話屋企人都好鍾意佢,令佢哋好放心,仲話未來日子有奚夢瑤同佢一齊過,就係佢人生最幸福嘅事:「之後我是你的,有甚麼樣的壓力,有甚麼樣委屈,我來幫你去解決。跟你過日子,是我人生最幸福的事情,我很珍惜,我也很希望這一份愛情會保持下去。所以我今天求婚一定要成功。」

猷君最後話:「還記得我在澳門問過你,『小明,你覺得咱倆有可能在一起嗎?』今天這個問題要變成:『小明,你覺得咱倆可以永遠在一起嗎?』奚夢瑤,Marry me?」勁感動嘅奚夢瑤,聽到猷君點頭答應,猷君即刻興奮大叫:「She said YES!」最後梗係攬攬加錫錫啦!

四太梁安琪見證阿仔何猷君求婚成功,佢接受長途電話訪問時話:「好感動,原來咁大陣仗,佢之前都唔肯講,嚟到先知,可能佢想保持神秘感。(超盈有喜,猷君又求婚成功,你雙喜臨門?)係呀,我真係好開心,好開心,佢又唱歌,又搞到咁大陣仗。(幾時同何生報喜?)我聽日返嚟會同何生報喜㗎喇!(咁佢哋幾時結婚?)都係出年啦,因為今年係盲年,好似超盈咁都係出年搞。而且籌備,請人好多嘢要攪,都要啲時間。」

問到奚夢瑤係咪有咗?佢話:「唔係啩,頭先佢跳舞跳到咁,不過好難講,你知我個仔乜都好神秘㗎啦,成日畀驚喜我,頭先搞到我都喊晒。」

(綜合報道)